په نجف کې د ایران کنسولګري تر برید لاندې نیول شوي ده
وسله والو بریدګرو د عراق د نا ارامه کولو لپاره په نجف ښار کې د ایران په کنسولګرۍ برید کړی او ودانۍ ته یې اور ورته کړی دی.
د خاورمیانه خبرې اژانس د نړیوالې برخې د راپور له مخې،د عراق په مختلفو ښارونو کې د نا ارامیو په تعقیب،تیره شپه بریدګرو په نجف ښار کې د ایران پر کنسولګرۍ برید ترسره کړی دی.
عراقي رسنیو راوړي دي چې په دې برید کې د کنسولګرۍ ودانۍ اور اخیستی؛ مګر کارکوونکي یې په سلامت ډول بل ځای ته لیږدول شوي دي.
د دې راپورونو پر اساس، په نجف ښار کې د تګ راتګ د بندیدو قوانین وضع شوي دي او د حضرت امیرالمومنین (ع) پاک حرم له زیارت کوونکو څخه تش کړای شوی دی.