په لوګر کې د درې قاضیانو د وژلو عاملین ووژل شول

ملې دفاع وزارت وایي چې د لوګر ولایت په محمد اغه ولسوالۍ کې په یوه هوایي برید کې د درې قاضیانو د وژنې عاملین وژل شوي دي.

د خاورمیانه خبرې اژانس د راپور له مخې،دا عملیات تیره شپه د هېواد د امنیتي ځواکونو له لوري د محمد اغه ولسوالۍ په مربوطاتو کې ترسره شوي دي.

ملې دفاع وزارت وایي چې په دې هوایي عملیاتو کې د وسله والو طالبانو یو پیاوړی قومندان د خپلو درې نورو کسانو سره وژل شوی دی.

د سرچینې پر وینا،د طالبانو وژل شوي قومندان او کسانو یې د پکتیا ولایت د محکمې د درې قاضیانو او یو کارکوونکي په وژنه کې لاس درلود.

د تیرې اوونۍ د پنجشنبې په ورځ( لړم ۱۶) د پکتیا ولایت د محکمې درې تنه قاضیان او یو کار کوونکی د محمد اغه ولسوالۍ په بازار کې له موټره ښکته او په ډزو وژل شوي دي.

که څه هم امنیتي سرچینې وایي چې طالبان د پکتیا ولایت د دریو قاضیانو په وژنه کې لاس لري؛ مګر لا تر اوسه دغه ډلې په دې اړه خپل نظر څرګند کړی نه دی.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *