د کابل په قره باغ ولسوالۍ کې د انسان تښتونکو اوه کسیزه ډله نیول شوې
د ملي امنیت ځانګړو ځواکونو په همدې موخه په عملیاتو کې د کابل په قره باغ ولسوالۍ کې د انسان تښتونکو اوه کسیزه ډله نیولې.
د خاورمیانه خبري اژانس د خبر له مخې د ملي امنیت د نن ورځې دلړم د ( ۱۱) نیټې د خبرپاڼې په اساس دغه کسان له درې میله کلاشینکوفونو سره نیول شوي او دوه تنه تښتول شوي د دوې له زندان څخه ازاد کړای شوي دي.
په خبرپاڼه کې راغلي تښتول شوي کسان خپلو کورنیو ته سپارل شوي دي.
د ملي امنیت ریاست د معلوماتو په اساس د کابل ښار یو تن صراف « علم زیب » د محمد ناصر زوې تیره اونۍ له خپل موټر چلوونکي سره له کابل څخه د بغلان په لورې روان وو چې د کابل ـ پروان لارې په اوږدو کې د انسان تښتونکو له لورې اختطاف او د کابل قره باغ ولسوالۍ ته وړل شوي وو.
د خبر پاڼې په حواله انسان تښتوونکو د دغه شخص د خوشي کیدو په بدل کې د دوې له کورنۍ څخه د ۵۰۰ زره امریکایې ډالرو غوښتنه کړې وه.