په تخار کې د طالبانو یو مهم سرګروپ ووژل شو

د تخار ولایت د ینګي قلعه ولسوالۍ په زوړ ښار کې د امنیتي او دفاعي ځواکونو د ګډو عملیاتو په جریان کې د طالبانو یو مهم سرګروپ وژل شوی دی.

د خاور میانه خبرې اژانس د راپور له مخې د کورنیو چارو وزارت وایي چې دغه عملیات د  تیرو څو ورځو په جریان کې پیل شوي چې هوایي ځواکونو یې هم ملاتړ کوي.

ددې وزارت د نن ورځې ( وږي ۲۵) په خبرپاڼه کې راغلي چې په دې عملیاتو کې د وسله والو طالبانو یو سرګروپ«ملاوزیر» د خپلو څو تنو نورو وسله والو سره یوځای وژل شوی او ددې ډلې ۶ تنه نور غړي ټپیان شوي دي.

د کورنیو چارو وزارت وایي چې وسله والو طالبانو د ینګي قلعه ولسوالۍ په زاړه ښار کې د هستوګنې کورونه سنګر کړي او له دغه کورونو څخه د سپر په توګه ګټه اخلې،چې دغه چاره د عملیاتو د اوږدیدو لامل شوي ده.

وسله والو طالبانو لا تر اوسه په دې اړه خپل نظر څرګند کړی نه دی.

Author

About Author

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *