ننګرهار کې د چت پریوتو په پیښه کې د یوې کورنۍ ۶ غړو ته مرګ ژوبله اوښتې

د ننګرهار چارواکي وایې دغه پیښه نن سهار د دې ولایت په پچیراګام ولسوالۍ کې رامنځ ته شوې.

د ننګرهار د والي ویاند عطاالله خوږیاڼي خاورمیانه خبري اژانس ته وویل:  نن سهار د چنګاښ په ( ۲۵)  نیټه سهار مهال  د ننګرهار ولایت پچیراګام ولسوالۍ په بر پچیر سیمه کې د یوه زوړ کور چت را پریوتی، چې په پایله کې یې د یوې کورنۍ  پنځه غړو په کې  خپل ژوند له لاسه ورکړی،  نوموړی وایې په مړو شو کې دوه هلکان دوه نجونې او یوه پنځویشت کلنه میرمنه شامله ده.

د خوږیاڼي په خبره په دې پیښه کې یوه ۵۵ کلنه میرمن ټپي شوې ده ، چې روغتیایې وضعیت یې د اندیښنې وړ دی.

د یادونې وړه ده، چې څو ورځې وړاندې په پچیراګام ولسوالۍ کې د یوه واده په مراسمو کې د ځانمرګي برید له امله له ۲۱  څخه زیاتو ملکي وګړو ته مرګ ژوبله اوښتې وه.

Author

About Author

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *