د جوزجان ولایت د قوش تپې ولسوالې سقوط شوې ده؟

۱۱ سرطان ۱۳۹۸

ولسي سرچینې وایي چې د جوزجان ولایت په قوش تپې ولسوالۍ باندې د وسله والو طالبانو په ډله ایز برید کې دغه ولسوالۍ سقوط شوي ؛ مګر سیمه ایز چارواکي په دې اړه ښکاره مالومات نه ورکوي.

ولسي سرچینې خاور میانه خبرې اژانس ته وایي چې وسله والو طالبانو د شپې له نیمایي څخه ددغه ولسوالۍ پر مرکز پراخه ډله ایز بریدونه پیل کړي دي.

د سرچینو پر وینا،ددې بریدونو په پایله کې نن سهار( چنګاښ ۱۱) د ولسوالۍ مرکز د وسله والو طالبانو په لاس سقوط شو او امنیتي ځواکونه د ولسوالۍ په اطرافو کې میشت شوي دي.

دې سرچینو ویلي دي چې د امنیتي ځواکونو د برخلیک په اړه مالومات په لاس کې نشته.

په ورته وخت کې د جوزجان د والي ویاند،فریدون انیق،خاور میانه ته وویل چې د نیمې شپې راهیسې د قوش تپې ولسوالۍ سره ټلیفوني اړیکې پریکړې شوي او مالومه نه ده چې څه روان دي.

نوموړي د ولسوالۍ د مرکز سره د اړیکو د پریکیدو د له وجې د ولسوالۍ د سقوط او نه سقوط په اړه دقیق مالومات وړاندې نه کړل.

وسله والو طالبانو هم ویلي دي چې د ولسوالۍ کنټرول یې په خپل لاس کې اخیستی دی.

ددې ډلې ویاند،ذبیح الله مجاهد پر خپل ټویټر لیکلي دي چې«د جوزجان ولایت د قوش تپې ولسوالې یې د ټولو ملحقاتو سره فتح کړي ده.»

نوموړي د یو شمېر امنیتي سرتیرو د مرګ ژوبلې خبر هم ورکړی او ویلي یې دي چې یوه اندازه وسلې او مهمات یې هم ترلاسه کړي دي.

جوزجان

طالبانو

قوش تپې


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.