په پکتیا او خوست کې د دوه چاودنو مخه ونیول شوه
د خوست او پکتیا ولایتونو په مربوطاتو کې د دوه کړۍ ماینونو په کشفیدو سره په دغه ولایتونو کې د دوه چاودنو مخه ونیول شوه.
د خاور میانه خبرې اژانس د راپور له مخې،د کورنیو چارو وزارت نن ورځ( غویي ۲۲) د یوې خبرپاڼې په خپرولو سره ویلي دي چې دغه ماینونه د ترهګرو له لوري ځای پر ځای شوي وو.
په خبرپاڼه کې راغلي دي چې د خوست ولایت پولیسو د«باک» ولسوالۍ په مربوطاتو کې یوه کړۍ ماین او د ولایت د مرکز په«کجیري» په سیمه کې د مزاییل یو فیر مرمۍ کشف کړي دي.
همدارنګه د پکتیا ولایت پولیسو هم د پکتیا ـ پکتیکا ولایتونو پر لویه لار یوه کړۍ ماین کشف او خنثی کړی دی.
د کورنیو چارو وزارت وایي چې ددې ماینونو پر کشفولو سره یې د دوه خونړیو چاودنو مخنیوی کړی دی.