له پنځو کالو وروسته د داعش د مشر پیغام: د غچ اخیستلو لپاره چمتو یو
د داعش ترهګرې ډلې مشر ابوبکر البغداي نږدې پینځه کاله وروسته په یوه ویډیوي پیغام کې راښکاره شو او ټینګار یې وکړ چې په عراق او سوریه کې به د خپلو ماتو غچ واخلې.
د خاور میانه خبرې اژانس د نړیوالې برخې د راپور له مخې،رویټرز ویډیو خپره کړي او ویلي یې دي چې د«ابوبکر البغدادي» اړوند ده او له پینځو کالو وروسته یې انځور خپریږي.
که څه هم ددې ویډیو د ثبتیدو کره وخت مالوم نه دی ؛ مګر البغدادې د سوریې په باغوز ښار کې د«داعش» ماتي ته اشاره کوي چې په سیمه کې د داعش وروستی پټن ځای دی.
نوموړي ټینګار وکړ چې د غرب پر وړاندې د داعش عملیات یوه«اوږده جګړه »ده او د خپلو کسانو غچ به اخلې.
په ورته وخت کې د داعش مشر په سریلانکا کې د«عید پاک» په ورځ د هم مهاله بریدونو پړه هم منلي او ویلي یې دي چې دغه بریدونه یې د باغوز ښار د بریدونو د غچ اخیستنې لپاره سرته رسولي دي.
البغدادي د وروستي ځل لپاره په ۲۰۱۴ کال کې په یوه عمومي غونډه کې ښکاره شوی وو او ددې ترمینځه فاصله کې څو واره د نوموړي د مرګ یا ټپي کېدو راپورونه خپاره شوي وو.
هغه خبر چې رد شوی یا تایید شوی نه دی: ابوبکر البغدادي وژل شوی دی.
داعش وایي چې دغه ویډیو د اپریل په میاشت کې ثبت شوي او ددې ډلې اړوند «فرقان» خبرې شبکې خپره کړي ده.