امریکا ته د خاشقچي د قاتلینو پر ننوتلو بندیز ولګید

د امریکا د بهرنیو چارو وزارت ،د یوه اقدام په لړ کې د عربستان د ۱۶ تنو اوسیدونکو چې د جمال خاشقچي په وژنه کې یې رول درلود دغه هېواد ته په ننوتلو بندیز ولګاوه.

د خاور میانه خبرې اژانس د نړیوالې برخې د راپور له مخې،الجزیرې راوړي دي چې د امریکا د بهرنیو چارو وزارت د خاشقچي پر وژنه تورن  ۱۶ تنه اصلي قاتلین دغه هېواد ته نه داخلیدونکو افرادو په لیست کې شامل کړي دي.

ویل کیږي چې ددې شپاړسو کسانو په مینځ کې د سعودي د ولیعهد محمد بن سلمان مشاور«سعود القحطاني»او نوموړي ته نږدې کس«ماهر مطرب» نومونه هم لیدل کیږي؛ مګر په دغه دوسیه کې ددغه کسانو سره د بن سلمان د نږدې اړیکو درلودلو سره سره امریکا د نوموړي د نوم یادولو څخه ډډه کړي او ویلي یې دي د خاشقچي د قتل قضیه به د واشنګټن او ریاض پر اړیکو کوم اغیز ونه کړي.

د امریکا د بهرنیو چارو وزارت چارواکو ،ددغه ۱۶ تنو ترڅنګ د هغویو کورنیو او خپلوانو باندې هم د امریکا خاورې ته پر ننوتلو بندیز لګولی دی.

دا په داسې حال کې ده چې د سعودي ورځپاڼې خبریال خاشقچي د تیر کال د تلې په لسمه په ترکیه کې د عربستان په کنسولګرۍ کې په ډېرې بې رحمۍ سره ووژل شو او له یوه کال څخه د کمې مودې په تیریدو سره لا تر اوسه هم په دغه قتل کې ښکیل اړخونه روښانه  شوي نه دي.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *