کونړ کې چاودنې یوتن وژلی او ۱۲ نور یې ټپیان کړي
د کونړ چارواکي وایې د دې ولایت د څوکۍ ولسوالۍ په بازار کې چاودنه شوې.
د کونړ د والي ویاند عبدالغني مصمیم خاورمیانه خبري اژانس ته وویل: نن پنج شنبه د ( کب ۲۳) نیټه سهار شاوخوا لس بجې د کونړ ولایت د څوکۍ ولسوالۍ بازار د مبایلونو په یوه دوکان کې چاودنه شوې چې له امله یوتن وژل شوی او دولس تنه نور ټپیان شوي دي.
د مصمیم په خبره د پیښې ټپیان روغتون ته انتقال شوي.
نوموړی زیاتوي د پیښې څرنګوالی تر اوسه څرګند نه دی.
دی وایې؛ سیمې ته امنیتي ځواکونه ورغلي او له پلټنې ورسته به د پیښې څرنګوالی څرګند شي.
د دې پیښې مسولیت تر اوسه کومې ډلې او یا هم کوم شخص په غاړه نه دی اخیستي.