د جمهوري ریاست د ټاکنو لمړنۍ امنیتي پیښه

د حکمتیار د ټاکنیز ټیم دویم مرستیال په کابل ښار کې په یوه وسله وال برید کې ټپي شو.

د خاور میانه خبرې اژانس د راپور له مخې د ګلبدین حکمتیار د ټاکنیز ټیم دویم مرستیال،حفیظ الرحمن نقي تیره شپه د کابل ښار د اوومې ناحیې د دوغ اباد په سیمه کې د یوه وسله وال برید هدف وګرځید.

د اسلامي حزب د منشي هارون زاخیلوال څخه په نقل ددغه حزب په خبرپاڼه کې راغلي دي چې ښاغلي نقي هغه مهال په نښه شوی او ټپي شوی دی چې په دارالامان کې د خپل کاري دفتر څخه کور ته روان وو.

نوموړې ویلي دي چې په دې پیښه کې د نقي سکرتر هم ټپي شوی او روغتون ته لیږدول شوی دی.

لا تر اوسه کومې ډلې یا شخص ددغه پیښې مسوولیت پرغاړه اخیستی نه دی.

Author

About Author

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *