د نیمروز پر مرکز د برید مخه ونیول شوه

۱۹ جدی ۱۳۹۷

امنیتي ځواکونو د وسله والو طالبانو هغه ۳ کسان نیولي چې قصد یې درلود د نیمروز ولایت پر مرکز برید وکړې.

د خاور میانه خبرې اژانس د راپور له مخې،د کورنیو چارو وزارت نن ورځ ( مرغومې۱۹) د یوې خبرپاڼې په خپرولو سره ویلي دي چې په نیمروز کې د امنیتي ځواکونو له لورې ۳ تنه وسله وال طالبان نیول شوي او یو تن یې وژل شوی دی.

په خبرپاڼه کې راغلي دي چې د نیمروز پولیسو د وسله والو طالبانو په څلور نفري ګروپ باندې په یوه هدفي عملیاتو کې د هغوې ۳ تنه نیولي او یو تن یې وژلی دی.

د خبرپاڼې له مخې دغه کسان د زرنج د ښار د هستوګنې په یوه کور کې ځای پرځای شوي وو او په دغه ښار باندې یې د برید نیت درلود چې موخې ته له رسیدو وړاندې د پولیسو له لورې پیژندل شوي او نیول شوي دي.

ویل کیږي چې ددې عملیاتو په جریان کې د زرنج ښار د لمړۍ امنیتي حوزې مرستیال هم ټپي شوی دی.

وسله والو طالبانو لا تر اوسه په دې اړه خپل نظر څرګند کړی نه دی.

برید

نیمروز


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.