د کابل د پغمان د ځانمرګي برید د تلفاتو زیاتوالی
بشپړ؛ د کابل ولایت په پغمان ولسوالۍ کې د امنیتي ځواکونو په کاروان د شوي ځانمرګي برید په تلفاتو کې زیاتوالی راغلی دی.
د کورنیو چارو وزارت ویاند نجیب دانش خاورمیانه خبري اژانس ته وویل: نن د ( لیندۍ ۲۰) سهار ۲۰: ۹ دقیقې یو سپین رنګه کرولا موټر د پغمان ولسوالۍ د چنار حیدر په کلي کې د امنیتي ځواکونو کاروان د حملې هدف وګرځو.
د نوموړي په خبره، په دغه پیښه کې ۴ تنه امنیتي ځواکونو او ۸ تنه غیري نظامیانو خپل ژوند له لاسه ورکړی، همدارنګه ۶ تنه امنیتي ځواکونه او ۳ ملکي وګړي ټپیان شوي دي.
دانش زیاته کړه چې په دې برخه کې څیړنۍ پیل شوي.
وسله والو طالبانو د دغه برید مسولیت په غاړه اخیستی .
د طالبانو ویاند ذبیح الله مجاهد په خپل ټویټر کې لیکلي، چې په دغه پیښې کې یو شمیر امنیتي ځواکونو ته مرګ ژوبله اوښتې.
Author
About Author
