په هلمند کې شپږو پولیسو خپل ژوند له لاسه ورکړ

۱۵ قوس ۱۳۹۷

د هلمند ولایت د نهر سراج ولسوالۍ د لارې په اوږدو کې د شاهره ۶۰۱ پر امنیتي پوسته د وسله والو طالبانو  د برید او نښتې په پایله کې شپږو پولیسو خپل ژوند له لاسه ورکړی دی.

د هلمند د ولایتي شورا یوې سرچینې خاور میانه خبرې اژانس ته وویل چې دغه نښته نن سهار( لیندۍ ۱۵) دنهر سراج ولسوالۍ د لارې په اوږدو کې د ۶۰۱ شاهراه پر ګولایي امنیتي پوسته باندې ترسره شوي ده.

د نوموړې پر وینا په دې نښته کې چې نږدې درې ساعته یې دوام وکړ شپږ پولیس وژل شوي او وسله وال طالبان هم له سیمې تښتیدلي دي .

یو تن عیني شاهد محمد عیسی خاور میانه خبرې اژانس ته وویل چې نن ورځ لویه لار تړل شوي وه او د ډزو غږونه هم اوریدل کېدل.

نوموړې څرګنده کړه چې له څو شیبو وروسته د سهار د ۹ بجو په شاوخوا کې لویه لار د دویم ځل لپاره خلاصه شوه.

وسله والو طالبانو لا تر اوسه په دې اړه خپل نظر څرګند کړی نه دی.

پولیس

هلمند

وژل


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.