د بهرنیو ځواکونو په هوایې برید کې ۸ وسله وال طالبان وژل شوي دي
د ننګرهار ولایت امنیتي چارواکي د دې ولایت په شیزادو ولسوالۍ کې دبهرنیو ځواکونو د هوایې برید خبر ورکوي.
د ننګرهار د امنیه قومندانې د مطبوعاتو مسول فریدالله خاورمیانه خبري اژانس ته وویل: تیره شپه شاوخوا ۱۰ نیمې بجې قطعه صفر۲ په نوم بهرنیو ځواکونو د ننګرهار ولایت د شیرزادو ولسوالۍ په ګندومک سیمه کې هوایې برید ترسره کړی، چې په پایله کې ۸ وسله وال طالبان وژل شوي او یو شمیر وسلې او مهمات هم د ځواکونو لاس ته ورغلې دي.
نوموړی زیاتوي په یاد برید کې ولسي وګړو ته کوم زیان نه دی اوښتی.
وسله والو طالبانو د دې برید په اړه تراوسه څه نه دي ویلي.
دیادونې وړ ده، چې په دې ورستیو کې په یو شمیر ولایتونو کې د بهرنیو ځواکونو په هوایې بریدونو کې د مخالفینو ترڅنګ ولسي وګړو ته هم مرګ ژوبله اوښتې.
Author
About Author
