د دوو ځانمرګو برید ګرو په ګډون ۱۲ وسله وال مخالفین ونیول شول

۲۸ عقرب ۱۳۹۷

چارواکي وایي، ننګرهار ولايت د ملي امنيت مؤظفینو د دې ولایت په مرکز او شپږو ولسوالیو کې د بېلابېلو عملیاتو په ترڅ کې د دوو ځانمرګو بریدګرو په ګډون ۱۱ داعش او یو وسله وال طالب ژوندي نیولي دي .

ننګرهار ملي امنیت ریاست کې نیول شوي کسان د خبري کنفرانس پر مهال رسنیو ته د ښودلو پر مهال د دې ولایت د والي ویاند عطاالله خوږیاڼي وویل،ملي امنیت مؤظفینو د تېرې اونۍ په ترڅ کې د نورالله او مسیح الله چې مشهور په عمر وو،پلان درلود،چې په نازیانو او خوږیاڼو ولسوالۍ کې ځانمرګي بریدونه ترسره کړي؛ خو موخې ته تر رسیدو وړاندې په یادو ولسوالیو کې د ملي امنیت ځواکونو له لورې ونیول شول .

نوموړي زياته کړه، ملي امنیت مؤظفینو همدا راز  په مرکز جلال اباد ښار، پچیراګام، اچین، نازیانو او یو شمیر نورو ولسوالیو کې د ترسره شوو عملیاتو په ترڅ کې د غني الرحمن، برکت الله، سنګر، عصمت الله، عبيدالله، شمس الرحمن، اجمل، حاجي ګل او ظهير په نومونو ۹ تنه نور د داعش غړي او د رحیم الله په نوم د جنګي طالبانو غړی هم ژوندي نیولي دي .

نیول شوو ځانمرګو بریدکوونکو او نیول شوو وسله والو مخالفینو پخپلو جرمونو اعتراف کړی دی.

دا په داسې حال کې ده،چې په وروستیو کې د ملي امنیت ادارې په هلو ځلو ۲۱۵ داعش او طالب وسله والو له جګړې لاس اخیستی او د خپلو وسلو سره یو ځای امنیتي ځواکونو ته تسلیم شوي دي.

ځانمرګو

ننگرهار

وسله وال مخالفین


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.