د ملي امنیت ریاست د داعش ۱۳کسیزه ډله نیولې ده
د افغانستان د ملي امنیت ریاست نن چهارشنبه ( ۱۳ جدي ) اعلان وکړ چې د داعش یوه ۱۳ کسیزه ډله یې نیولې ده .
د دې ریاست په خبرپاڼه کې راغلي دي چې دغې ډلې بهرنۍ او داخلي اړیکې درلودې او همدارنګه یادې ډلې په کابل کې د لویو بریدونو موخه درلوده .
خبرپاڼه وړاندې لیکې ، چې دغې ډلې دوسله والو په راوستو او مسلحه کولو کې مهم رول درلود . د خبرپاڼې له مخې په دغه ډله کې داخلي او خارجي وسله وال شتون لري .
دا په داسې حال کې ده ، چې په دې ورستیو کې د زیاتو ځانمرګو بریدونو مسولیت د داعش وسله والې ډلې پر خپله غاړه اخیستی دی .
Author
About Author
