هند له چين هيواد څخه غوښتي ترڅو د پاکستان جيش محمد ډله د ملگرو ملتونو په تور نوم لړ کي ورگډه کړي
د هند کورنيو چارو وزير ويلي، دوی هڅه کوي ترڅو دا ډله د ملگرو ملتونو په تور نوملړ کې ور گډه او ددې ډلي پر مشرانو بنديزونه ولگول شي
د هند کورنیو چارو وزیر راجنات سینګ په یوه خبري ناسته کې ویلي: دوی د چین هیواد په مرسته هڅه کوي ترڅو د پاکستان جیش محمد ډله د ملګرو ملتونو په تور نوم لړ کې ور ګډه کړي. ده ویلي هیله مند دی چې ملګري ملتونه دا ډله د نورو ترهګریزو ډلو په توګه وپیژني او ددې ډلې پر مشرانو بندیزونه ولګول شي.
راجنات سنيگ- ” له چین هیواد څخه زمونږ تمه داده ترڅو له هند سره د ملګرو ملتونو په تور نوم لړ کې د پاکستان د جیش محمد ډلې د ور ګډولو په برخه کې مرسته وکړي. هڅې دادي ترڅو ددې ډلې مشر مسعود اظهر یو نړیوال ترهګر وپیژندل شي.”
د ډهلي دولت ادعا کوي چې دې ډلې په ډيریو برخو کې د هند پر وړاندې د پاکستان له خاورې په ګټې اخستنې سره، بریدونه تر سره کړي دي.
پّ ورته حال کې د د هند تر واک لاندې په کشمیر کې امنیتي چمتوالي ته زور ورکړل شوی دی. دا په داسې حال کې ده چې د یوه وسله وال په برید کې یو هندي پوځي ټپي شوی دی. دا سیمه په روان کال کې له شخړو ډکه سیمه شمیرل کیږي.
Author
