ملګرو ملتونو صنعا ته د یمني پلاوي له را ګرځولو ځان ایستلی دی

ملګرو ملتونو صنعا ته د حوثیانو د هغه پلاوي له راګرځولو ډډه کړې کوم چې ټاکل شوې د ملګرو ملتونو په الوتکه کې را ستانه شي او دا یې د سعودي عربستان په خوښه کړي دي.

د یمن د خبرو پلاوي اعلان کړی چې سعودي عربستان پر یمن د الوتنو د بندیز په هکله ملګرو ملتونو ته خبرداری ورکړی نو ملګري ملتونه هم دې ته اړ شول ترڅو د انصارالله او ددوی د ملګرو پلاوی بیرته را وګرځوي او ددوی سفر لغوه کړي.

دې سرچینې ویلي: سعودي عربستاان له د ملګرو ملتونو هغه الوتکې ته د الوتنې له جواز ورکولو سره مخالفت وکړ کوم چې ټاکل شوې وه یمني پلاوی صنعا ته ورسوي.

ټاکل شوې وه الوتکې دا پلاوی د جمعې په ورڅ ور ګرځولی وی ترڅو د عمان د خبرو پایلې خپلو مشرانو ته ورسوي چې د ریاض د مخالفت له امله داسې ونشول.