په يمن کي د جگړې له امله 10000 کسان وژل شوي
په يمن کي د جگړې له امله ۱۰۰۰۰ کسان وژل شوي دي. دا په داسي حال کې ده چي مخکي له دي په جگړه کي د وژل شويو قربانيانو شميره شپږ زره اعلانيده
دا په داسې حال کې ده چې د یمن چارواکیو په دې هیواد کې د جګړې او د سعودي عربستان پر مشری د ایتلاف په هوایي بریدونو له امله لس زره کسان وژل شوي خو ملګرو ملتونو بیا تر شپږ زرو کسانو د وژل کیدو پخلی کاوه. تیره ورخ د ملګرو ملتونو د بشر دوستانه مرستو همغږي کونکي په یوه خبري ناسته کې چې په صنعا کې تر سره شوې وه وویل، چې د یمن په اتلس میاشتینۍ جګړه کې تر اوسه لس زره کسان وژل شوي دي.
جيمي مکگلدريک : “په په دې آند یو چې په دې سیمه کې د شته ستونزو له امله لس زره کسان وژل شوي او یا ټپیان دي که څه هم په دې هلکه کره مالومات ندي تر لاسه شوي خو مونز د لسو زرو قربانیانو پخلی کولی شو.”
له دې سره ده ویلي: کیدای شي د یمن په جګړه کې د وژل شویو کسانو شمیره له دې هم لوړه وي او په ډيریو سیمو کې رواغتیایي مرکزونه شتون نلري نو له دې مخې د ډيریو وژل شوی او ټپیان شمیر ندی ثبت شوی.
مخکې له دې وږې میاشتې، مپه څلورمه نیټه ملګرو ملتونو اعلان وکړ چې په دې هیواد کې د جګړو او هواییي بریدونو له کبله ااوه زره نهه سوه نهه نوي ملکیان وژل شوي ا و شپږ زره اوه سوه یولس نور ټپیان دي.
دې دفتر ویلي وو له دې وژنې سربیره سعودي عربستان د بشر له حقونو نورې سرغړونې هم کړې چې د نړیوالو قوانینو پر خلاف دي.
ملګرو ملتونو ملتون د جون په لومړیو کې د ماشومانو له حقونو د سرغړونو ریپوټ ورکړی وو ویلی یې و، چې په یمن کې شپیته سلنه وژل شوي ماشومان د سعودي عربستان په مشری د ایتلاف په هوایي بریدونو له منځه تللي دي. خو د ملګرو ملتونو له دې نیټې څو ورځې وروسته د سعودي عربستان په مشری د ایتلاف نوم له تورن نوم لړ څخه د ځینې فشارونو له مخې لرې کړاو پر دې مهال بانکي مون دا سیاسي ځان وژنه ښودلې وه.
په ورته حال کې د وسلو د کنترول کمپیان د ریپوټ له مخې، امریکا او فرانسه له هغه هیوادونو څخه شمیرل کیږي چې له عربستان سره د یمن د برید په تړاو د وسلو مرسته کوي.
سعودي عربستان پر یمن چې یو بیوځله هیواد دی خپل بریدونه د څلور نویم کال له وری میاشتې پیل کړي ترڅو په زور سره ددې هیواد تښتیدلی ولسمشر بیرته واک ته ور وګرځوي