د ولسي جرګې یو پخوانی غړی اسدالله همتیار ووژل شو
د افغانستان په ولسي جرګه کې د لوګر ولایت پخوانی استازی ډاکټر اسدالله همتیار په کابل کې د نا پېژندو وسله والو له خوا وژل شوی دی.
د کابل د د اتمې امنیتي حوزې امر محمد داوود پکتیاوال ازادي راډیو ته وویل چې ډاکټر همتیار تېر ماښام ستانکزي مینې ته نږدې په خپل کتنځي کې د تفنګچې په ډزو وژل شوی دی.
ښاغلي پکتیاوال وویل چې تر اوسه د نوموړي د وژل کېدو لامل نه دی معلوم خو د وژونکو د نیونې لپاره یې هڅې روانې دي.
اسد الله همتیار د لوګر د خروار ولسوالۍ اوسیدونکی و.
Author
About Author
