د ننګرهار ولایت په حصارک ولسوالې کې ۳ بهرنیان ووژل شول
د ننګرهار ولایت په حصارک سیمه کې د امنیتي ځواکونو عملیاتو په ترڅ کې د ۲۵ طالبانو په ګډون ۳ چیچینیان وژل شوي او ۱۸ تنه نور یی ټپیان شوي دي.
د خاورمیانه ریپوټونو پر بنسټ،د فاع وزارت د یوې خبرپاڼۍ په خپرولو سره وویل،دا عملیات تیره شپه د وسلوالو طالبانو پر مواضع د حصارک ولسوالۍ کې ترسره شوي دي.د خبرپاڼې پر اساس په دې عملیاتو کې د طالبانو ۲۵ جنګیالیو په ګډون ۳ چیچنی وګړي وژل شوي او ۱۸ تنه نور ټپيان شوي دي.په ورته حال کې د دفاع ملي وزارت د هیواد په سویل کې د ۲۲ مشکوکو کسانو له نیولو او په کندز کې ۳۵ طالبانو له وژل کیدو څخه خبر ورکړ.خبرپاڼه زیاتوي،د دهراود، ترینکوت،د ارزګان ولایت په مرګز او د قندهار په میوند ولسوالیو کې یی ۲۲ مشکوک کسان نیولي دي او ۵ مختلفه الډول ماینونه یی کشف او خنثی کړي دي.همداشان خبرپاڼه زیاتوي چې په تیرو ۲۴ ساعتونو کې د کندز ولایت په دشت ارچي کې د امنیتي سرتیرو عملیاتو په لړ کې ۳۵ وسلوال طالبان وژل شوي او د هغوي ۲ حلقې ماینونه کشف او خنثی شوي دي.
وسلوالو طالبانو لا په دې اړه څه ندې ویلي.