امریکا افغانستان ته شینوک هیلي کوپټرونه لېږي
د افغانستان په جګړه کې د امریکايي پوځیانو د اختیاراتو له ډېرېدو وروسته امریکايی پوځیان غواړي چې دغه هیواد ته شینوک هیلي کوپترونه، د ملي ګارد پېلوټان او عمله ولېږي.
د امریکا د پوځ د ویبپاڼې له راپور سره سم، د پوځ په لسګونو پېلوټان او عمله به د نیویارک له راچستر څخه د راتلونکي ۲۰۱۷ کال په لومړیو کې افغانستان ته ولېږل شي.
د امریکا د ملي ګارد پېلوټان اوس د پوځ د پلي ځواک له ۲۷ قطعې سره په تعلیمي مرکز کې روزل کېږي.
د نیویارک د راچستر هوايي قطعه له شینوک سي ایچ (۴۷ CH-(47)) ماډله کار اخلي چې د افغانستان د غرنیو سیمو لپاره مناسبې دي.
دا څرخکې له ۳۳ تر ۵۵ ټنه جنګي وسایل له ځان سره په تړلي حالت کې وړلی شي.
هغه پوځیان چې د دغه ماموریت لپاره روزل کېږي، له ۲۰۰۷ څخه تر ۲۰۰۸ پوري افغانستان ته لېږل شوي ول او په ۲۰۰۷ م کال یې په افغانستان کې زیات هوايي بریدونه کړي دي.
دوی د اکمالاتو لپاره له ۲۰۱۲ تر ۲۰۱۳ پوري بیا افغانستان ته واستول شول.
Author
About Author
