په کندوز ولایت کې ۱۲ وسلوال طالبان نیول شوي دي

  د افغان او بهرنې ځواکونو په ګډ عملیاتو کې چې تیره شپه د کندوز ولایت په چهاردره ولسوالۍ  ترسره شول د یو قومندان په ګډون د طالبانو ۱۲ کسان نیول شوي او د وسلو یو پټڼځایی له منځه وړل شوی دی.
۹
د کندوز ولایت د پولیسو مطبوعاتي مسول هجرت الله اکبري خاورمیانه ته وویل،دا عملیات تیره شپه د چهاردې ولسوالۍ د عیسي خیل په کلې کې ترسره شول.د ده په وینا په دي عملیاتو کې ۱۲ طالب وسلوال نیول شوي دي.
اکبري زیاته کړه چې په دي عملیاتو کې د وسلو یو پټنځای، د یو هایلکس ،رنجر او موټر سایکل په ګډون څو عرادي نقلیه وسیلې له منځه وړل شوي دي.
له بلې خوا د کندوز ولایت د مطبوعاتې څانګې مسولان وایی چې په دې عملیاتو کې یو شمیر طالب جنګیالیو ته مرګ ژوبله اوښتې ده.
خو طالبانو لا په دې اړه څه ندې ویلي.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *