په بغداد کې چاودنه کې د وژل شویو کسانو شمیره ۷۹ تنو ته اوښتي

عراقي پولیس وایي، په یوه چاودنه کې چې مسوولیت یې اسلامي دولت (داعش) ډلې منلی، لږ ترلږه ۷۹ کسان وژل شوي او ۱۳۱ نور ټپیان دي.

۶

چاودنه د شنبې په ورځ (جولای ۲مه) په یوه موټر کې د ځای پرځای شویو چاودېدونکو توکو په وسیله د پلازمېنې بغداد په کراده سیمه کې یوه رسټورانټ ته نژدې د پېر او پلور یوه مرکز کې وشوه.

د بغداد په شمال شیعه میشته سیمه کې دویمې چاودنې هم پنځه کسان وژلي دي.

دا چاودنې څو ورځې وروسته له هغه کېږي چې د عراق دولتي ځواکونه وتوانېدل له داعش نه د فلوجې ښار ونیسي چې د ډېرې مودې راهیسې د هغوی په کنټرول کې و.

عراقي چارواکي وايي، داعش پر بغداد د برید لپاره له فلوجې ګټه اخسته.

د رپوټونو له مخې، د کرادې سیمې په چاودنه کې چاودېدونکي توکي په یوه یخچال کې ځای پرځای شوي و چې یوه پر یوه موټر بار و. دا په روان میلادي کال کې ترټولو خونړۍ برید و.

اسوشېټډ پرېس د عراقي چارواکو په حواله ویلي چې په کراده کې چاودنه کې تر ډېره ماشومان وژل شوي دي.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *