جنرال نیکلسن وایي د هغو کسانو پر ضد به پوځي هڅو ته دوام ورکړي چې ” سولي نه مني”.
په افغانستان کې د نړیوالو ځواکونو عمومي قوماندان جنرال نیکلسن وايي چې د وسله والو طالبانو مشر ملا اختر محمد منصور د سولي د هڅو په وړاندي خنډ و او د امریکا او افغانستان د ام
جنرال جان نیکلسن په کندهار کې له ځايي حکومتي مسئولینو او ولسي مشرانو سره په یوه غونډه کې وويل چي د افغانستان د دولت وسله وال مخالفین د جګړې له لاري څه نشي تر لاسه کولی او باید چي سولي ته غاړه کښېږدي.
جنرال نیکلسن وایي د هغو کسانو پر ضد به پوځي هڅو ته دوام ورکړي چې ” سولي نه مني”.
هغه وویل “دوه ورځې مخکې مو د طالبانو مشر ملا اختر منصور ځکه په نښه کړ چې د سولي په وړاندي خنډ شوی و. زه د ولسمشر غني خبرې تائیدوم چې اوس د سولي خبرو ته زمینه برابره شوې ده. زه د نړیوالو ځواکونو په استازیتوب تاسې سره ژمنه کوم چې ستاسې د سولې د هدف په تر لاسه کولو کې ملګري یو او څوک چي سولي ته غاړه نږدي موږ به يې په وړاندي ودریږو”.
که څه ولسمشر باراک اوباما ویلي چې په افغانستان کې د امریکايي ځواکونو جګړه ایز ماموریت ختم شوي، خو امریکايي ځواکونو لا هم د افغانستان دننه د طالبانو پر جنګیالیو کله نا کله بریدونه کوي.
اوسمهال شاوخوا لس زره امریکايي پوځيان په افغانستان کې میشت دي چې اصلي دنده یې د افغان ځواکونو روزنه، سمبالښت او ملاتړ بلل کیږي.
عزیزالله پوپل په جنوبي ولایتونو کې د امریکا غږ اشنا راډیو د پښتو خبریال دی. له امریکا غږ سره د کار له مخه یې په سیمه کې له ملي راډیو او ټلویزیون، روز خبري اژانس، هیواد ټلویزیون او افغان ازاد راډیو سره د خبریال په حیث کار کړی، او د کندهار په پوهنتون کې یې د ادبیاتو زده کړې ترسره کړې دي
Author
