په کشف شوي ډله ییز قبر کې ماشومان او ښځې هم خښ کړای شوي.
د سوریې پوځي سرچینې وايي، په لرغوني تدمر ښار کې یې یو ډله ییز قبر موندلی دی
ویل کېږي په دې قبر کې شاوخوا ۴۰ ولسي وګړي او سوري پوځیان خښ کړای شوي.
ددغو کسانو د اعدامېدو پړه پر “اسلامي دولت” ډلې اچول شوې.
د سوریې رسمي خبري اژانس “سانا” د تدمر د یوه امنیتي چارواکي له قوله ویلي “د چاڼیزو عملیاتو پرمهال انجینران او د ولسي دفاع ډلو یوه ډله ییز قبر کشف کړ، چې ۲۵ مړي پکې له منځه تللي وو. په دوی کې د درو ماشومانو او ۵ ښځو مړي هم وو”.
دا ډله ییز قبر د تدمر ښار په “الجاهزیة” کلي کې موندل شوی.
سرچینه وايي، د څېړنو پرمهال “آن ۴۰ شړېدلي مړي وموندل شول”.
دا ډله ییز قبر د تدمر ښار په شمال ختیځه برخه کې کشف شوی.
داعش د تدمر لرغوني ښار ګڼې برخې ونړولې
مړي د حمص ولایت پوځي روغتون ته وړل شوي، چې ځینې یې پېژندل شوي دي.
د سوریې د بشري حقونو د څار ډلې ویلي، “اسلامي دولت” ډلې وړاندې ګڼ کسان وژلي او بیا یې د ښار په څنډو کې خښ کړي دي.
Author
