۲۴ ساعته عمليات، ۳۶ مخالفين مړه، ۴ ټپيان، ۳ بنديان
۲۴ ساعته عمليات، ۳۶ مخالفين مړه، ۴ ټپيان، ۳ بنديان د كورنيو چارو وزارت وايي، د هېواد په بېلابېلو سيمو كې د امنيتي ځواکونو په ګډو تصفيوي عملياتو كې ۳۶ وسله وال مخالفين وژل شوي، څلور تنه ټپيان دي او درې تنه نور ژوندي نيول شوي دي.
د دې وزارت مطبوعاتي دفتر څخه نن په خپره شوې خبرپاڼه كې راغلي دي، چې دغه تصفيوي عمليات په تېرو ۲۴ ساعتونو كې د ننګرهار، تخار، كندوز، بدخشان، كندهار، اروزګان او يو شمېر نورو ولايتونو په مربوطاتو كې د ملي پوليسو، ملي اردو او ملي امنيت ځواکونو لخوا ترسره شوي دي.
د سرچينې په وينا، په يادو عملياتو كې يوه اندازه وسلې او مهمات هم د امنيتي ځواکونو لاس ته ورغلي دي.
وسله والو طالبانو تراوسه په دې اړه څه نه دي ويلي.
Author
