د جرم پر ولسوالی ۲۵۰ تورو جامو درلودونکو وسله والو په برید کې له شپیتو ډير سرتیري وژل شوي
د بدخشان جرم په ولسوالي کي پر امينتي پوستو د تورو جامو درلونکو په بريد کي د کندک قومندان شتون نه درلود او په خپل سر کابل ته راغلي وو
ستر درستيز ويلي په دي هکله خيرني رواني دي او لويه ستونزه د افسرانو په مشري کي ده د کورنيو چارو وزير هم ويلي وسله والو له شمالي وزيرستان خخه هيواد ته راغلي او اوس غواري د هيواد له سويله جگره شمال ته وليزدوي
د وروستیو ناامنیو په ځانګړې توګه په بدخشان ولایت کې له شپیتو د ډیر ملي اردو سرتیرو د وژل کیدو په لړ کې، د ولسي جرګې د امینت او دفاع جرګه ګۍ له امنیتي چارواکیو سره بیړنۍ ناسته تر سره کړه. د هیواد لوی درستیز وویل: د بدخشان پر پوستو دوه سوه پنځوسو تور جامو وسله والو برید کړی او د برید پر مهال د کندک قومندان په سیمه کې شتون نه درلود. شیرمحمد کریمي ویلي د کندک قومندان د نشتو له کبله دفاع کمزوری شوی او امینتي سرتیرو ته درنه مرګ ژوبله اوښتې ده. له دې سره ښاغلي کریمي ویلي چې د بدخشان ولایت په جرم، وردوج او یو شمیر نورو ولسوالیو کې خلک له وسله والو طالبانو ملاتړ کوي.
شیر محمد کریمي زیاته کړې، په تیرو څو ا ونیو کې ډيرې هڅې شوې ترڅو په بدخشان کې یوه لوا رامنځ ته او د وسله والو مخالفینو پر وړاندې عملیات تر سره شي، خو د امکاناتو د کمښت له امله په دې بریالی شوي نه یو.
ستر درستیز ویلي: ملي اردو په یواځې سره او پر یوه مهال په څو ولایتونو کې د عملیاتو د تر سره کولو وړتیا نلري او ددوی اصلي ستونزه د هوایي ځواک نشتون ده او ملي اردو په شمال کې یواځې یوه څرخي الوتکه لري
د کورنیو چارو وزیر هم وویل د پاکستان په خا وره کې عملیات ددې لامل شوی ترڅو وسله والو طالبان افغانستان ته مخه کړي او جګړه د هیواد شمالي سیمو ته ولیږدوي. د کورنیو چارو وزیر ویلي د ټولو ناامنیو ترشا بهرني لاسونه شتون لري او اوس مهال د هیواد یولس ولایتونه د ناامنی له ګواښ سره مخ دي. خو د امینتي مسولینو دې ځرګندونو د استازو قناعت تر لاسه نکړ.
د ولسی جرګې ریس وویل: دا هم شونې ده چې تر راتلونکو څو ورځو د هیواد په شمال کې خونړي بریدونه تر سره شي باید امینتي ځواکونه ددې لپاره بشپړ چمتوالی ولري.
استازو د ملي یوالی له حکومت او امنيتي مسولینو و غوښتل که چیرې د هیواد امینتي ستونزو ته رسیدنه نشي کولای ښه به داوي چې له دندو لاس واخلي.
Author
