پولیس مرزی تاجیکستان دو شهروند افغان را کشتند
خبرگزاری خاورمیانه
دو شهروند افغانستان از سوی پولیس مرزی تاجیکستان در مرز میان افغانستان و این کشور کشته شدند.
سنت الله تیمور، سخنگوی پولیس تخار به خبرگزاری خاورمیانه گفت که این دو شهروند افغانستان روز گذشته حین عبور از مرز تاجیکستان در مربوطات ولایت تخار کشته شده اند.
به گفته وی، همراه با این دو کشته، دو شهروند دیگر افغانستان نیز بوده است که تا حال از سرنوشت آن دو تن خبری در دست نیست.
اسیر افزود که اجساد کشته شده گان در بندر آی خانم به مرزبانان افغانستان تسلیم داده شده اند.
به اساس گفته های سخنگوی پولیس تخار، این افغان ها به گمان قاچاق مواد مخدر از سوی مرزبانان تاجیکستان هدف گلوله قرار گرفته اند.
این در حالی است که پیش از این نیز مرزبانان تاجیکستان دو شهروند ولایت تخار را در مرز کشورشان هدف گلوله قرار داده بودند.
محراب الدین ابراهیمی
Author
About Author
