دیدار غنی و نوازشریف در دوشنبه
رئیسجمهور غنی که برای شرکت در دومین نشست سران کشورهای «کاسا یکهزار» به دوشنبه، پایتخت تاجیکستان آمده است، با نوازشریف دیدار خواهد کرد.
به گزارش خبرگزاری خاورمیانه، محمد اشرف غنی، رئیسجمهور اسلامی افغانستان صبح امروز (۱۵سرطان) در راس یک هیئت عالیرتبه وارد دوشنبه شد.
قرار است که رئیسجمهور در این سفر با سران کشورهای عضو پروژه «کاسا یکهزار» در دومین نشست این پروژه اشتراک کرده و صحبت کند.
بر اساس گفتههای مقامها در سفارت افغانستان مقیم دوشنبه، رئیسجمهور در حاشیه این اجلاس با امام علیرحمان، رئیسجمهور تاجیکستان نیز دیدار و گفتگو خواهد کرد.
در عین حال، نشست سه جانبه سران کشورهای افغانستان، تاجیکستان و پاکستان نیز از دیگر برنامههای مهم رئیسجمهور در این سفر خواهد بود.
بر اساس برنامه از پیش تعیین شده، رئیسجمهور غنی با نواز شریف، نخستوزیر پاکستان نیز دیدار کرده و ضمن ارزیابی مسایل اقتصادی و تجارتی، روی مبارزه مشترک منطقهای علیه تروریزم نیز گفتگو میکنند.
این در حالی است که روابط کابل و اسلامآباد در این اواخر به تیرهگی گراییده است.